سدا رہے گا حُسین کا غم

سدا رہے گا حُسین کا غم, a photo by firoze shakir photographerno1 on Flickr.

سدا رہے گا حُسین کا غم

یہ شورِ گریہ یہ شورِ ماتم
سنی ہوئی داستانِ پیہم
اک آہ بن کر اُبھر رہی ہے
وہ کربلا کی صدائے پُرنم
سدا رہے گا ۔۔۔

اُٹھے جو ظلم و ستم کے جھونکے
سوال یہ تھا کہ کون روکے
حُسین ابنِ علی کے در پر
جمی ہوئی تھی نگاہِ عالم
سدا رہے گا ۔۔۔

بڑھا جو حد سے غرورِ باطل
تڑپ اُٹھا پھر حُسین کا دل
چلا حرم کو وطن سے لے کر
ندائے زینب بنا کہ پرچم
سدا رہے گا ۔۔۔

اصولِ فکر و عمل کو موڑا
یزیدیت کے فسوح کو توڑا
ہر ایک دیوارِ ظلم ڈھا کر
بنا گیا دیں کا قصرِ محکم
سدا رہے گا ۔۔۔

جفائوں کا دل ہلا کہ اُٹھا
جو قبرِ اصغر بنا کہ اُٹھا
جواں کی میت پہ مُسکرا کر
بدل گیا فکرِ نسلِ آدم
سدا رہے گا ۔۔۔

سنبھل کے ٹوکے ہمیں زمانہ
گزر گیا دورِ تعزیانہ
بغور سُن لیں جہان والے
اب اس عالم کے ہیں پاسبان ہم
سدا رہے گا ۔۔۔

نہ رُک سکی ہے نہ رُک سکے گی
اعزائِ مظلوم کیا لٹے گی
دلوں کی ہر اک دھڑکنوں سے
اُبھر رہی ہے صدائے ماتم
سدا رہے گا ۔۔۔