ye zindagi ke mele, duniyaa mein kam na honge afsos ham na honge, a photo by firoze shakir photographerno1 on Flickr.
ye zindagi ke mele
ye zindagi ke mele,
duniyaa mein kam na honge
afsos ham na honge
ik din padegaa jaanaa, kyaa waqt, kyaa zamaanaa
koyi na saath degaa, sab kuchh yahin rahegaa
jaayenge ham akele, ye zindagi ke mele …
duniyaa hai mauj-e-dariyaa, qatre ki zindagi kyaa
paani mein mil ke paani, anjaam ye ke paani
dam bhar ko saans le le, ye zindagi …
hongi yahi bahaaren, ulfat ki yaadagaaren
bigadegi aur chalegi, duniyaa yahi rahegi
honge yahi jhamele, ye zindagi …
shakeel badayuni
